#Кыскача яңалыклар 02 сентябрь 2018, 11:04

Лос-Анджелеста бер ир хатын-кызлар белән ресторанда сыйлану өчен генә танышкан

02 сентябрь 2018, 11:04

Лос-Анджелеста яшәүче 45 яшьлек Пол Гонсалесны мошенниклыкта гаеплиләр. Ул хатын-кызлар белән социаль челтәрләрдә танышкан һәм аларны кыйммәтле ресторанга чакырган. Юмарт кавалер булып кыланып, затлы эчемлекләр һәм ризыкларга заказ биргән. Ашаганнан соң, түләр вакыт җиткәч, ир бәдрәфкә барган яки шалтыратырга кирәк дигән булып, рестораннан чыгып качкан.

Скопировать ссылку

Бер хатын-кыз сүзләренчә, Гонсалес мәгъшукасының өенә йөз долларлык ризык китерткән, нишләп моның кадәр ризык дип сорагач, ул үзенең авыр атлетика белән шөгыльләнүен һәм аңа калорияләр күп кирәк булуын әйткән. Ашап туенгач, ир-ат чыгып качкан. Шул рәвешле бик күп хатын-кызларны алдаган ир суд каршына басачак, аны унөч елга ирегеннән мәхрүм итәргә мөмкиннәр.

Кызыклы яңалыкларны күзәтеп бару өчен Т елеграмга кушылыгыз.