Маскаларны югары бәядән сатучылар полиция кулына эләгә

Ул Казан кешесе булып чыга. Хәзер бу затка рәсмиләштерелмәгән медицина эшләнмәләрен сату һәм законсыз эшмәкәрлек алып барганы өчен җавап бирергә туры киләчәк.  Хокук сакчыларына шулай ук әлегә ачыкланмаган төркем кешеләренең Казан территориясенә күпләп медицина маскаларын кайтартулары турында оператив мәгьлүмат килеп ирешә. Аларның киләчәктә бу продукцияне күпкә арттырылган бәядән сатарга җыенулары да билгеле була.

Оператив-эзләү чаралары нәтиҗәсендә, гомуми суммасы 445 000 сум тәшкил иткән 10 мең данә медицина битлеге саткан вакытта,  беркайда да эшләмәүче 35 яшьлек Казан кешесе тоткарлана.

Үткәрелгән чаралар барышында полиция хезмәткәрләре бу "эшкуар"дан  52 мең 500 медицина битлеге, шулай ук миллион ярым сум алалар. Тоткарланучы сүзләренә караганда, медицина битлекләрен ул алга таба бәяләрен күпкә арттырып сату максаты белән алган. 

Сатучыларны һәм потенциаль сатып алучыларны ул интернет челтәре, шулай ук төрле мессенджерлар һәм бушлай белдерү сервислары ярдәмендә тапкан. Хәзерге вакытта тоткарланучыга карата РФ Җинаять кодексының 238.1 маддәсендә каралган, шулай ук законсыз эшкуарлык эшчәнлеген гамәлгә ашыруга бәйле хокук бозу билгеләре буенча җинаять эше кузгату мәсьәләсе хәл ителә.

Хокук сакчылары тарафыннан теркәлмәгән медицина әйберләрен законсыз рәвештә сату, шул исәптән, югары сорау белән кулланылган "идән астында җитештерелгән" һәм махсус рәхсәт кәгазе булмаган, инфекциягә каршы кулланылучы товарларны законсыз сату фактларын ачыклау чаралары дәвам итә.