Мәдинәдәге терактны Пакыстан кешесе оештырган

Ул - хатыны һәм аның әти-әнисе белән Җиддә шәһәрендә яшәгән, машина йөртүче булып эшләгән 34 яшьлек Абдулла Калзар Хан, дип хәбәр иткән The Associated Press мәгълүмат агентлыгы. Агентлык билгеләп үткәнчә, Согуд Гәрабстанында яшәүче 30 миллион кешенең 9 миллионы чит илдән килүчеләр, аларның иң күбен пакыстанлылар тәшкил итә. Исегезгә төшерәбез: шартлау нәтиҗәсендә террорчы үзе һәм дүрт куркынычсызлык хезмәткәре һәлак булды, биш полицейский яраланды.