#Кыскача яңалыклар 11 августа 2016, 13:18 Уку өчен 2 минут

Метшин яңа зоопаркка зебралар бүләк итәчәк

11 августа 2016, 13:18

Уку өчен 2 минут

Казан мэры Илсур Метшин яңа зоопарк төзелеше белән танышу барышында Татарстан Президенты Рөстәм Миңнеханов белән зоопаркның беренче дуслары булачакларын җиткерде, дип яза "Татар-информ".

Скопировать ссылку

- Республика башлыгы әле нинди җәнлек бүләк итәчәген хәл итмәгән, ә минем гаиләм зебралар гаиләсен бүләк итәргә җыена. Бу изге эш дип саныйм. Без зоопаркны төзекләндереп кенә калмыйбыз, ә Россиядә, Европа дәрәҗәсендәге зоопарк төзибез. Зоопаркның дуслары булырга теләүчеләр күп булыр дип уйлыйм. Бу ел ахырына кадәр зоопарк "өй туе" билгеләп узарга мөмкин, - ди Илсур Метшин.

^{_{Фото: feldman-ecopark.com}}

Яңа зоопаркта горилла, шимпанзе, Африка филләре һәм жирафлар булачак. Әлегә Африка филләре Россиянең бер зоопаркында да юк.

Яңа зоопарк ачылгач, искесе реконструкциягә ябылачак. Бер елда зоопаркка 235 мең кеше килгән булса, яңа зоопарк ачылгач, алар ким дигәндә 500 мең булыр дип көтелә.

^{_{Фото: metshin.ru}}