#Кыскача яңалыклар 25 июль 2022, 10:23

Микроавтобус белән юл һәлакәтендә биш кеше үлгән

25 июль 2022, 10:23

25 июль көнне иртән Башкортстанның Благовар районы Кашкалаш авылы янында М-5 трассасында килеп чыккан юл һәлакәтендә биш кеше һәлак булган. Бу хакта төбәк эчке эшләр министрлыгы матбугат хезмәте хәбәр итә.

Скопировать ссылку

Ford Transit микроавтобусы һәм «КамАЗ» бәрелешкән. Хокук саклау органнары мәгълүматларына караганда, салонында 20гә якын пассажир утырган автобусның Уфадан Языково авылына барышы була. Ford юл эшләре үткәрү урынында туктап торган йөк машинасына килеп бәрелә.

Авария аркасында биш кеше һәлак булган, тагын ун кеше зыян күргән. Һәлак булганнарның шәхесләре һәм һәлакәт шартлары билгеләнә. Урында тикшерү-оператив төркем эшли.

Кызыклы яңалыкларны күзәтеп бару өчен безнең МАХ каналына кушылыгыз.

#дтп #Башкирия