Ике укучы егет җиденче сыйныфта укучы кыз өчен талашкан.
4 декабрь көнне Башкортстанда Кырмыскалы авылындагы мәктәптә укучы ике егет арасында низаг килеп чыга. Сәбәбе- җавапсыз мәхәббәт.
Җиденче сыйныф укучысы үзе белән бергә укыган кызны сигезенче сыйныфта укыган егеткә көнләшкән. Мәктәпкә пәке алып килеп көндәшен яралаган. "КП-Уфа" язганча, яшүсмернең хәле уртача авырлыкта.
Зыян күргән малайның әнисе дә бу хәлгә комментарий биреп, шаккатуы турында сөйләгән.
- Мин әлегә шок хәлендә. Табиблар кулында, дренаж куйдылар. Улыма кадаган пәкенең кайда саклануы әлегә билгеле түгел. Инфекция кермәсен дип куркам, - дигән яшүсмернең әнисе.
Бу вакыйга факты буенча «ваемсызлык» маддәсе буенча җинаять эше кузгатылган.
Кызыклы яңалыкларны күзәтеп бару өчен Телеграм-каналга кушылыгыз.
0
1
Комментарийлар