“Мин күкне сайлыйм!”: казанлылар авиашоуга әзерләнә

Күркәм гадәткә әйләнгән әлеге бәйрәм чарасы һавадагы очышларны карарга яратучы дистә меңләп тамашачыны үзенә җәлеп итә.  Бәйрәмгә керү юлында волонтерлар саклагыч битлекләр өләшәчәкләр. Бөтен мәйданчыкта дезинфекция чаралары урнаштырылачак, шулай ук социаль дистанция дә сакланачак.
Кунаклар балалар өчен булдырылган модель түгәрәкләре эшен, парашютчыларның күрсәтмә чыгышларын күрә алачак. Тамаша кылучыларны концерт программасы, төрле мастер-класслар көтә. Биредә шулай ук республика авиация сәнәгатенең алдынгы хезмәткәрләрен бүләкләячәкләр.

Авиация бәйрәмендә 30 очкыч катнашачак, шул исәптән Россия оборона министрлыгы, гражданнар һәм эксперименталь авиация суднолары һәм ике атаклы пилотаж төркеме - "Русь" һәм "Стрижи" үз осталыкларын күрсәтәчәкләр.

Бәйрәм 15.00 сәгатьтә башлана һәм кичкә кадәр дәвам итәчәк. Дөрес, автомобиль сөючеләр өчен билгеле бер уңайсызлыклар туачак, чөнки бәйрәм вакытында Сибгат Хәким урамы хәрәкәт итү өчен ябылачак.

Фото" "ШК" архивыннан