Миңнеханов мәгариф учреждениеләрен террорчылыктан саклауның стандартын булдырырга кушты

"Мәгариф учреждениеләрендә куркынычсызлыкны тәэмин итү өстенлекле мәсьәлә булып тора. Казанда һәм Пермьдә булган фаҗигале вакыйгалар һәр әти-әнинең йөрәкләрендә зур  борчу хисләре уятты. Без мәктәп биналарын физик яктан саклауны тәэмин итүгә өстәмә акча бүлеп бирү турында карар кабул иттек инде. Объектларны террорчылыкка каршы яклау стандартларын кертү буенча профильле федераль органнар белән мәсьәләне хәл итәргә кирәк", - диде Рөстәм Миңнеханов еллык Юлламасында.

"Гомумән алганда, укытучылар яки мәктәп укучыларыннан килгән барлык сигналларга оператив рәвештә реакция белдерергә, яшүсмерләр арасында җинаятьчелекне кисәтү белән активрак шөгыльләнергә кирәк. Бу— гаилә, уку йортлары һәм хокук саклау органнарының уртак эше”, - дип ассызыклады республика Президенты.