Миңнеханов «Шлюмберже» үзәгенә Татарстанда лаборатория ачарга тәкъдим итте

«Шлюмберже» - 120дән артык илдә эшләүче иң зур нефть сервисы компанияләренең берсе. Ул хезмәтләр һәм продуктларның киң спектрын тәкъдим итә, геологик разведка эшләре үткәрә һәм нефть чыгару эшләре белән идарә итә. Компаниянең уку үзәге 2008 елда ачылган, аның базасында Россия нефть-газ тармагының техник белгечләрен әзерлиләр һәм квалификацияләрен күтәрәләр.

Татарстан Президенты Үзәк эше белән танышты: бораулау җайланмасында булды, күнегүләр мәйданчыгын һәм җиһазларга хезмәт күрсәтү буенча практик дәресләр мәйданчыгын карады. Үзәктә көн саен 350 кеше белем ала, дип сөйләделәр белгечләр. Курсларның озынлыгы - бер көннән ике айга кадәр, инглиз һәм рус телләрендә укыйлар. Үзәк ачылганнан бирле анда 35 меңнән артык кеше белем алган.

чыганак - "Татар информ"