Мәктәп укучысы картасын дәүләт хезмәтләре порталы аша тулыландырып була

Казанда ата-аналар мәктәп укучысы картасын Татарстан Республикасының Дәүләт һәм муниципаль хезмәтләр порталында тулыландыра ала. Дәүләт хезмәтләре порталында, укучы картасының номеры буенча, картада калган акча берәмлеген күрсәтүче һәм аны тиешле дәрәҗәдә тулыландыру мөмкинлеге булган яңа сервис тәкъдим ителә. Хәзер укучының электрон картасын өйдән чыкмый гына тулыландырырга мөмкин. Карта «Ак Барс Банк» картасы белән тулыландырылган очракта, өстәмә түләүләр алынмый. Башка банк карталарын кулланган очракта, түләнгән бәядән 2% өстәмә түләү тотып калына.