Мобилизацияләнгән россиялеләргә җенес күзәнәкләрен криобанкта бушлай туңдырырга рөхсәт итәчәкләр.
Мобилизацияләнгән хәрби хезмәткәрләр бала таба алмауны дәвалау һәм криобанкта биоматериал саклау өчен бушлай квота алачаклар. Бу хакта «Россия адвокатлар Берлеге» иҗтимагый оешмасы президенты Игорь Труновның белдергән, дип яза ТАСС агентлыгы.
— Махсус хәрби операциядә катнашучылар өчен баласызлыкны дәвалауга квота алу һәм генетик материал саклау өчен бушлай криобанк булдыру турында Россия Хөкүмәте Рәисенә мөрәҗәгать иткән идем, хәзер аңа җавап алынды. Россия Сәламәтлек саклау министрлыгы мобилизацияләнгән гражданнар өчен җенес күзәнәкләрен (сперма күзәнәкләрен) бушлай саклау һәм консервацияләүне федераль бюджет акчалары исәбеннән финанс белән тәэмин итү мөмкинлеген билгеләде. Мәҗбүри медицина страховкасы кысаларында күрсәтмәләр булганда, репродуктив технологияләр өчен туңдырылган генетик материалны бушлай куллану канун белән көйләнелә, — диде ул.
Комментарийлар