Мәскәүдәге Коммунарка дәваханәсенең баш табибы сихәтләнгән

Аның сүзләренчә, ул инфекция барлыгын ачыклаучы тестны янә тапшырган, нәтиҗәсе - тискәре. Баш табиб билгеләп үткәнчә, хәзер аның карантины тәмам.

"Ике тапкыр тапшырылган анализ да тискәре нәтиҗәне күрсәтте. Изоляция тәмам- тулы кыйммәтле эш көне. Кызыл зонадан ничек чыгуымны тулырак язармын әле", - дип язган ул Фейсбуктагы сәхифәсендә. 31 мартта Проценко коронавирус йоктырган. Ул үзен яхшы хис итүен билгеләп үтә. Коммунарка баш табибы шулай ук больница белән идарә итү өчен үз кабинетында карантинга ябылуын хәбәр иткән иде.

«Коммунаркада 45 көн дәвамында эшләү. 1659 - пациент. 1140ы- сихәтләнгән... бу саннар артында ничаклы эш ята. Командага рәхмәт», - дип язган Проценко. 

Фото: facebook.com