Муса Җәлил исемендәге самолетта очачакбыз

Татар әдәбияты классигы Муса Җәлил хөрмәтенә аталган «Аэрофлот» компаниясенең лайнеры бүген Мәскәүдәге «Шереметьево» аэропортыннан рейс алганнан соң беренче булып очып китте. Бу хакта Instagram социаль челтәрендәге үз битендә "Яңа гасыр" ТРКсе генераль директорының федераль һәм Мәскәү органнары белән хезмәттәшлек итү буенча урынбасары Дина Газалиева сөйләде.

"Без хәзер Шереметьевоның җәйге кырында! Аэрофлотның Муса Җәлил исемен йөртүче очкычы рейска җибәрелә. 2019 елның декабрендә авиакомпания җитәкчелегенә мондый тәкьдим белән @ rusminnikhanov (ред.иск. Татарстан Президенты Рөстәм Миңнеханов)  чыккан иде. Һәм менә нәтиҗә! Хәзер СССР Герое Муса Җәлил күктә дә! Ура!) Җиңүнең 75 еллыгына һәм ТАССРның 100 еллыгына шундый шәп бүләк", - дип язган жрналист үзенең инстаграмм сәхифәсендә.