#Кыскача яңалыклар 04 июля 2018, 12:52

Наил Якупов СКАга кайта

04 июля 2018, 12:52

Якташыбыз Наил Якупов белән Санкт-Петербургның СКА хоккей командасы килешү төзегән. Әлеге килешү нигезендә, Милли хоккей лигасында чыгыш ясаган һөҗүмче 2019/2020 еллар сезоны ахырына хәтле Питер командасы төсләрен яклаячак.

Скопировать ссылку

Быелгы сезонда Наил, Төньяк Американың «Колорадо Эвеланш» командасында чыгыш ясап, 16 (9 гол, 7 пас) очко җыйган иде. Плей-офф уеннарында төп составка эләгә алмаган. 26 июньдә әлеге клубның генераль менеджеры аңа яңа килешү тәкъдим итмәгәне билгеле булды.
Наил Якупов Түбән Каманың «Нефтехимик» хоккей мәктәбендә тәрбияләнгән, 2012 елда Милли хоккей лигасының беренче номерлы драфтына сайланды. Төньяк Америкадагы әлеге лиганың «Эдмонтон Ойлерз», «Сент-Луис Блюз» һәм «Колорадо» командаларында чыгыш ясап, 350 уенда 136 (62 гол һәм 74 пас) очко туплаган.
Россия яшьләр җыелма командасы составында – Дөнья чемпионатының көмеш һәм бронза призеры иясе.