#Кыскача яңалыклар 20 март 2018, 12:51

Нәүрүз бәйрәменә килегез!

20 март 2018, 12:51

24 март көнне Казан ипподромында төрки халыкларның милли бәйрәме – Нәүрүз үтәчәк. Ул, Яңа елны каршылау бәйрәме буларак, 21-22 нче мартта, ягъни көн белән төннең тигезләшкән көнендә уздырыла.

Скопировать ссылку

Бу көнне әзәрбайҗан, әфган, казах, кыргыз, башкорт, таҗик, үзбәк, төрекмән, төрек халкы һәм Татарстан халыклары ассамблеясенең яшьләр бүлеге вәкилләре концерт программасы һәм милли ризыклар тәкъдим итәчәк. Бәйрәм барышында аш-су осталары төрле милли рецептлар буенча пылау һәм шашлык пешерәчәк.
Кунаклар өчен тематик мәйданчыклар эшләячәк. Төп сәхнәдә Татарстан халыклары ассамблеясенең милли берләшмәләр коллективлары һәм татар эстрадасы артистлары чыгыш ясаячак. «Ачык микрофон» мәйданчыгында теләгән һәр кеше биеп, җырлап күрсәтә ала. Балалар аниматорлар белән милли уеннар уйнаячак. Катнашучылар һәм җиңүчеләрне бүләкләр көтә.
Бәйрәм чарасы сәгать 10.00дә башлана.

Кызыклы яңалыкларны күзәтеп бару өчен безнең МАХ каналына кушылыгыз.