#Кыскача яңалыклар 13 август 2015, 06:34

Нурсөя белән Фәнис Яруллиннарга һәйкәл

13 август 2015, 06:34

Баулы шәһәрендә Татарстанның халык шагыйре Фәнис Яруллин һәм аның тормыш иптәше Нурсөя ханымның исемнәрен мәңгеләштерү максатыннан һәйкәл ачтылар. Чарада Татарстанның Дәүләт Советы Рәисе Фәрит Мөхәммәтшин дә катнашты.

Скопировать ссылку

- Фәнис Яруллин үз хәле авыр булганда да оптимистик, юмористик рухта әсәрләрен язган кеше. Әдәбиятта ул тирән эз калдырды. Ә Нурсөя ханым аңа терәк булып, иҗатка рухландырып, көч биреп торды. Шушындый матур кеше булганыгыз, матур яшәгәнегез өчен рәхмәт, Нурсөя ханым. Сез икегез дә бу һәйкәлгә лаек, - дип мөрәҗәгать итте Татарстан парламенты башлыгы Нөрсөя ханымга.

Һәйкәлнең авторы - Баулы районының Шалты авылында туып үскән сынчы Рәсим Шәрифуллин. Ул иҗат иткән Фәнис һәм Нурсөя Яруллиннар һәйкәле - чыдамлылык һәм чиксез мәхәббәт гәүдәләнеше.

Кызыклы яңалыкларны күзәтеп бару өчен безнең МАХ каналына кушылыгыз.

#Фәнис Яруллин #Нурсөя Яруллина