Предприятиедә ике эшчене пычак белән кадап үтергәннәр

Фаҗига булган урынга район прокуроры Айрат Галимәрданов килгән. Мәрхүмнәрнең Мөслим районыннан килгән эшчеләр булуы ачыкланган. Ике кешене үтерү турында җинаять эше кузгатылган, дип хәбәр итте ТР прокурорының өлкән ярдәмчесе Руслан Галиев. 

Тиздән әлеге җинаятьтә шикләнелгән кешенең эзенә төшкәннәр – ул Минзәлә районында яшәүче, шундый ук җинаять өчен моңарчы да хөкемгә тартылган ир-ат булып чыккан. Эшне тикшерүне күзәтү ведомствосы үз контроленә алган.