Президент мәктәпләрдә куркынычсызлык мәсьәләсен контрольдә тотарга йөкләмә бирде

Татарстан Президенты Рөстәм Миңнеханов республика парламентына еллык Юллама чыгышында мәктәпләрдә куркынычсызлык мәсьәләләрен аерым контрольдә тотарга йөкләмә бирде.

“Халыкны борчыган мәсьәләләрнең  берсе – белем бирү учреждениеләрендә куркынычсызлык. Күптән түгел генә Ижевск мәктәбендә булган фаҗига татарстанлылар күңелендә авыр тәэсир калдырды. Матди-техник яктан тәэмин итү һәм физик яктан саклау буенча барлык кирәкле күрсәтмәләр бирелде. Муниципаль берәмлек башлыкларына бу сорауны аерым контрольдә тоту мөһим”, - диде Рөстәм Миңнеханов чыгышында.