Прокуратура Казандагы биш катлы йортта газ шартлавы буенча тикшерү үткәрәчәк

Исегезгә төшерәбез, гадәттән тыш хәл Волгоград урамында 6:40 сәгатьтә барлыкка килде. Нәтиҗәдә, фатир хуҗабикәсе зыян күрә - аны хастаханәгә илткәннәр.

Бүген күзәтчелек ведомствосы башлыгы Илдус Нәфыйков тикшерү үткәреләчәге турында тиешле йөкләмә бирде. Газ җиһазларын эксплуатацияләү һәм хезмәт күрсәткәндә законнарны үтәү мәсьәләләре торачак, дип хәбәр иттеләр күзәтчелек ведомствосы матбугат хезмәтендә.