Путин гаиләләргә ярдәм чараларын киңәйтергә чакырды

Бу хакта Президент Владимир Путин "Ата-ана даны" орденнары белән бүләкләнгән күп балалы гаиләләр белән видеоочрашуда белдерде. "Хәзер хөкүмәт алдында, мин бу хакта Юлламада да әйттем, гаиләгә ярдәм итүнең бөтен системасын максималь бербөтен, аңлаешлы, нәтиҗәле, эзлекле итү бурычы куелды", - диде Владимир Путин. "Ата-аналар, гаиләләр нинди ташламаларга, түләүләргә ия булуын төгәл белсеннәр, аларны өстәмә формальлектән һәм катлаулыклардан башка, төрле учреждениеләр һәм чиратлардан башка гына алсыннар өчен, эшне җайга салырга кирәк", - дип ассызыклады ул. "Һәм кешеләр ышансын өчен, хәтта гаилә ниндидер сәбәпләр аркасында авыр хәлдә калса да, дәүләт һичшиксез янәшәдә калачак, ярдәм итәчәк, җилкәсен куячак", - дип белдерде Путин.