Путин хәрбиләр өчен өстәмә соцгарантияләр турында указга кул куйды

Россия Президенты Владимир Путин хәрби хезмәткәрләр өчен өстәмә социаль гарантияләргә кагылышлы указга кул куйды. Тиешле документ хокукый мәгълүматның интернет-порталында урнаштырылган.

Украинада махсус хәрби операция вакытында солдатлар һәлак булган очракта, хәрбиләрнең гаиләләренә, Эчке эшләр министрлыгы һәм Россгвардия хезмәткәрләренә биш миллион сум акча түләнәчәк. 

Яраланган, җәрәхәтләнгән, яки контузия алган кешеләргә өч миллион сум күләмендә түләү каралган.