Путин хәрбиләргә бушлай җир бирергә дигән тәкъдим белән чыкты

Россия Президенты Владимир Путин Мәскәү өлкәсе, Кырым һәм Севастополь хакимиятләренә хәрбиләргә бушлай җир кишәрлекләре бирү мәсьәләсен карарга киңәш итте. Карар хокукый мәгълүмат порталында чыкты.

«Махсус хәрби операциядә катнашуда үзләрен күрсәткән өчен Россия дәүләт бүләкләре алган хәрби хәрәкәтләр ветераннарына, шулай ук махсус хәрби операциядә катнашканда имгәнү (яралану, җәрәхәтләр, контузия) яки авырулар нәтиҗәсендә һәлак булган хәрби хезмәткәрләрнең гаилә әгъзаларына бушлай җир кишәрлеге бирү очракларын билгели торган закон актларын кабул итүне тәкъдим итәргә», диелгән документта.

Билгеләп үтелгәнчә, хакимиятләр дәүләт яки муниципаль милектәге кишәрлекләрне түләүсез тапшырачак. Мондый килешүләр төзүне Россия Хөкүмәте тәэмин итәчәк.

Чыганак: Татар-информ