#Кыскача яңалыклар 06 сентябрь 2021, 14:30

Путин социаль челтәрләр алып барамы?

06 сентябрь 2021, 14:30

Президентның матбугат сәркатибе Дмитрий Песков "Яңа белем" марафоны барышында дәүләт башлыгының социаль челтәрләрдә аккаунты булмавын, вакыт җитмәү сәбәпле, социаль челтәрләрдә сәхифәләр алып бармавын һәм аның өчен моны башка кемдер эшләвенә каршы булуын искәртте.

Скопировать ссылку

Бу хакта пәнҗешәмбе көнне дәүләт башлыгының матбугат сәркатибе Дмитрий Песков Көнчыгыш икътисади форум кырларында "Яңа белем" марафоны барышында сорауларга җавап биреп сөйләде. "Путинның үзенең социаль челтәрләре юк", - дип билгеләде Кремль вәкиле. Песков искә төшергәнчә, Путинның социаль челтәрләр алып баруга вакыты җитмәве белән аңлатты. "Аның өчен моны кемнеңдер эшләвен теләми, ул моны дөрес түгел дип саный", - дип өстәде президентның матбугат сәркатибе. Шул ук вакытта Песков ассызыклаганча, Кремль, хөкүмәт һәм аерым министрлыклар социаль челтәрләрдә үз урыннарын киңәйтәләр һәм эшнең бу өлешен камилләштерәчәкләр.

Кызыклы яңалыкларны күзәтеп бару өчен безнең МАХ каналына кушылыгыз.

#Владимир Путин, Путин, Президент