#Кыскача яңалыклар 26 гыйнвар 2016, 07:07

Разил Вәлиев иҗатына багышланган шигъри музыкаль кичә була

26 гыйнвар 2016, 07:07

28 гыйнвар көнне 17:00 сәгатьтә Татарстан Республикасы Милли китапханәсенең Зур уку залында (Кремль урамы 33 йорт) "Дәрья" әдәби кунакханәсе Разил Вәлиев белән очрашу уздыра.

Скопировать ссылку

Күп санлы китаплар авторы, драматург һәм җәмәгать эшлеклесе Разил Вәлиев иҗатына багышланган шигъри музыкаль кичәдә Рафаэль Сәхәбиев, Рамил Миндияр да катнаша. Шулай ук театр артистлары, каләмдәш дуслары, шагыйрьләр, язучылар, якыннары да килер дип көтелә.

Разил Исмәгыйль улы Вәлиев - шагыйрь, язучы, җәмәгать һәм дәүләт эшлеклесе, Татарстан Республикасының М.Җәлил исемендәге Республика премиясе Һәм Г.Тукай исемендәге Дәүләт премиясе лауреаты, Россия Федерациясе һәм Татарстан Республикасының атказанган мәдәният хезмәткәре, Татарстан Республикасы Милли китапханәсенең Попечительләр советы рәисе, Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе.

Күп санлы китаплар авторы, драматург һәм җәмәгать эшлеклесе Разил Вәлиев иҗатына багышланган шигъри музыкаль кичәдә әдәби подиум тәкъдим ителәчәк, танылган җырчылар Рафаэль Сәхәбиев, Рамил Миндияр һәм яшь башкаручылар чыгышы булачак, шулай ук театр артистлары, каләмдәш дуслары, шагыйрьләр, язучылар, якыннары да катнашыр дип көтелә.

Разил Вәлиевның китаплары, дискларыннан торган күргәзмә-сату да оештырыла. Шагыйрьдән китапларга култамгасын алу мөмкинлеге дә булачак.

Кичәгә рәхим итегез! Керү ирекле!

Элемтәләр өчен телефон: (843)292-72-35