Рәфил Җәләлиев: "Кирәк өчен" дип фотога төшмим!"

"Әбекәйнең исеме Камәр (МинлеКамәр). Аның яше 80+. Ә акылы, хәтере һәм тормышны яратуына сокланырлык! Күз тимәсен инде үзенә!" - ди ул.

"Соңгы арада, мәҗлесләрдә кулга телефон тотып төшереп йөрергә вакытым да юк, аннары, ничектер бәйрәм дулкынында онытылып та китә ул. Хәтта мәҗлескә чакырган туй парларым яки юбиляр белән фотога төшми дә кайтып киткән чакларым да байтак (үзләре эләктереп алмасалар, "кирәк өчен" дип фотога төшеп йөргәнем дә юк). Ә мәҗлесләрдә күңелле вакыйгалар бик күп була. Бигрәк тә өлкән яшьтәге кунаклар белән килеп чыккан кызык мизгелләр белән кунакларның кәефе күтәрелә! Минем үземә дә алар белән аралашырга бик ошый, чөнки алар ясалма түгел, ә чын күңелдән бәйрәм итәләр!" - дип язган Рәфил.