Роспотребнадзор: Татарстанда бер атнада 14 грипп йоктыру очрагы ачыкланган

Бу хакта Роспотребнадзорның ТР буенча идарәсе башлыгы урынбасары Любовь Авдонина белдерде.
Хәзер республикада ОРВИ белән авыручыларның саны сизелерлек артуы күзәтелә. Спикер искәрткәнчә, узган атнада гына күрсәткеч Яр Чаллыда 80%ка арткан.
Алдан хәбәр иткәнебезчә, Яр Чаллыда 30 мәктәптә 89 сыйныф карантинда, читтән торып уку оештырылган. 8 ноябрьдән генә дә Автоградның 35 мәктәбендә 139 сыйныф читтән торып укуга күчерелгән иде.