Россиядә иң еш кредит алучылар билгеле

 Әлеге мәгьлүматлар Россиянең Социаль сәясәт институтының "Үзгәрешләргә әзерлек" мониторингы мәгьлүматларында күренә.

"Шул ук вакытта бер яки ике балалы гаиләләр арасында кредитлар алу — 58 дән 54 процентка кадәр һәм 66 дан 59 процентка кадәр кимеде. Шул рәвешле, нәкъ менә күп балалы гаиләләр кредит алу буенча лидер булып тора. Ә алдагы ике елда беренче урында ике балалы гаиләләр иде", - дип ассызыклый басма.

Шулай ук әлеге язмада, кредитлары булган күп балалы гаиләләр түләргә сәләтле, дип билгеләп үтелә.

РБК мәгълүматларына караганда, 2023 елда кулланучылар кредитын түләүдә кыенлыклары булган балалы гаиләләр өлеше 2,7 дән 2,1 процентка кадәр кимегән.

Россия Фәннәр академиясенең Социология институты фәнни хезмәткәре Юлия Островская РБК басмасы белән әңгәмәсендә, билгеләп үтелгән үсеш шул исәптән бу категория гражданнар өчен ташламалы ипотека программасы белән бәйле булырга мөмкин, дип белдергән.

Тулаем алганда, 2023 елда барлык гаиләләрнең дә матди хәле яхшырган. Бу фактор хезмәт хакының үсеше, шулай ук мохтаҗ балалы гаиләләр өчен айлык пособие барлыкка килү белән бәйле, диелә әлеге тикшеренү мәгълүматында.