Россиялеләрне яңа эпидемиядән ничек коткарырга?

Бу хакта "Московский комсомолец" басмасы хәбәр итә. 

Эксперт белдергәнчә, россиялеләрне бу вирустан саклану өчен Африкадан кайтучы яки безгә килүче кешеләрне күзәтергә кирәк. Фаразлар буенча әлеге бизгәк Россия территориясенә дә килеп җитәргә мөмкин, шуңа күрә контроль чаралар зыян китермәячәк.

Марбург бизгәге җиләк-җимеш аша күчми, вирус озак вакыт дәвамында исән кала алмый, дип белдергән РИА Новостига Роспотребнадзорның үзәк эпидемиология фәнни-тикшеренү институтының молекуляр диагностика һәм эпидемиология бүлегенең өлкән фәнни хезмәткәре Марат Макенов.

Элегрәк массакүләм мәгълүмат чараларында бананнар аша Марбург бизгәген йоктыру мөмкинлеге турында мәгълүмат барлыкка килде. 

"Юк, Марбург җиләк-җимеш аша күчми. Транспортлау вакытын исәпкә алып, вирус мондый озак вакыт дәвамында яши алмый", - диде Макенов. Ул аныклаганча, вирус инфекцияле кеше яки инфекцияле хайваннарның яки кешеләрнең башка биологик сыеклыклары белән якын контакт аша йога.
Белгеч сүзләренчә, әлеге вирус өчен инкубация чоры төрлечә дәвам итә, ләкин максималь 21 көн тәшкил итә, ә ешрак - 6-14 көн, бу вакыт эчендә, кагыйдә буларак, беренче симптомнар барлыкка килә.

Чир йоктыру башында авыруда температура күтәрелә, эче авырта, баш авырта, гомуми инфекция билгеләре барлыкка килә, ә күпмедер вакыттан соң инде геморрагик билгеләр – бизгәк тоту, косу, калтырату пәйда булырга мөмкин, дип аңлатты Макенов.

Бөтендөнья сәламәтлек саклау оешмасы элегрәк тиз арада үлемгә китерә торган Марбург вирусы таралу куркынычын "милли дәрәҗәдә бик югары" дип бәяләвен белдергән иде. 

Әлеге бизгәкнең безнең якларга килеп җитүе икеле, әмма чит илләрдә ят ризыклар ашамаска, гигиена таләпләрен үтәргә кирәк. ди белгечләр.