Россия Герое Ильяс Дауди Мәскәүдә үзенең «В круге Кундузском» китабын тәкъдир иткән

Әфган сугышы катнашучысы Ильяс Дауди ул елларда ниләр булганын ишетеп кенә белми. Азнакайда туып-үскән егет үз иптәшләрен сугыш кырыннан коткарган һәм, катлаулы хәрби бурычларны үтәп, күп тапкырлар батырлык кылган. Күпсанлы җәрәхәтләрдән һәм күп санлы операцияләрдән соң, Ильяс исән кала алган. Россия Герое үзенең тарихи ватаны белән беркайчан да элемтәсен югалтмаган. Аның иҗатына замандашларына ул вакытта ниләр булганлыгы турында сөйләү теләге этәргән. Китап авторы фикеренчә, иң мөһиме, үз илеңә һәм ватаныңа хөрмәт белән карау, патриот булу.