Россия-Кытай элемтәләре иң югары дәрәҗәгә җитте

Россия Президенты Владимир Путинның "Бердәм Россия" партиясе - Кытай Комунистлар партиясе" форумы утырышында катнашучыларга адресланган сәламләү сүзендә шундый сүзләр бар иде. Форум Казанда узды. Путинның сәламләү сүзен чарада катнашучыларга "Бердәм Россия" партиясе югары советы рәисе Борис Грызлов тапшырды. "Мәскәү белән Пекин халыкара тотрыклылык һәм куркынычсызлыкны тәэмин итү буенча мөһим эшләр алып бара. Әлеге форум алга таба да ике ил халкы арасындагы дуслыкны һәм аңлашуны тагын да ныгытыр дип ышанам" диелә аның мөрәҗәгатендә.