Россиядә башлангыч сыйныфларга яңа предмет кертергә тәкъдим иттеләр

Дәүләт Думасы вице-спикеры Ирина Яровая башлангыч сыйныфларга яңа предмет - "Минем Россия" не кертергә тәкъдим итте, дип яза "Парламентская газета". Курс кысаларында балалар ил тарихын өйрәнәчәк.

Дәүләт Думасы вице-спикеры сүзләренчә, мәктәп укучылары Бөек Ватан сугышы тарихын беренче тапкыр өлкән сыйныфларда өйрәнәләр, бу "бик сәер". Яңа предмет ярдәмендә балалар үз иле һәм яшәгән төбәкләре турында аңлаешлы формада белем алачак, дип саный парламентарий.