#Кыскача яңалыклар 09 гыйнвар 2018, 11:01

Россиядә җитештерелгән машина бәяләре артты

09 гыйнвар 2018, 11:01

«АвтоВАЗ» 2018 ел башыннан үз продукциясенә бәяләрне арттырды. Бу хакта ТАСС агентлыгына автоконцернның матбугат хезмәтеннән хәбәр иткәннәр.

Скопировать ссылку

«Бәяләр барлык модельләргә дә уртача 2,5 процентка күтәрелде. Без моңа карап автомобильләргә сорау кимер дип уйламыйбыз, чөнки барлык автоконцерннар да яңа елдан бәяләрне арттыра», – дип белдергәннәр матбугат хезмәтендә.

Моңа кадәр хәбәр ителгәнчә, 2017 ел башында «АвтоВАЗ» шулай ук LADA автомобильләренә бәяләрне күтәргән иде. Ул вакытта барлык модельләр дә 1,5-3 процентка кыйммәтләнде.

«АвтоВАЗ» төркеме Renault-Nissan-Mitsubishi альянсына керә һәм LADA, Renault, Nissan, Datsun брендлары астында автомобильләр эшләп чыгара. Төркемнең җитештерү мәйданчыклары Тольятти һәм Ижауда урнашкан.

Татар-информ

Кызыклы яңалыкларны күзәтеп бару өчен безнең МАХ каналына кушылыгыз.

#машина бәяләре