Россиядә коронавирустан үлүчеләр 24 кә җиткән

Россиядә коронавиурс йоктыруның 2777 очрагы теркәлгән, дип яза оперштабка сылтама белән ТАСС. 

Үлүчеләргә килгәндә, пандемия нәтиҗәсендә 24 россияле вафат булган. Бер тәүлек эчендә генә дә вирус йоктырган 7 кешенең үлеме мәгълүм. 

Бәхеткә сәламәтләнүчеләр дә бар һәм аларның саны хәзер 190 га җитте. Узган тәүлектә генә дә 69 савыгучыны өйләренә җибәргәннәр.

Коронавирусның яңа очраклары Россиянең 35 төбәгендә ачыкланган. Моңа кадәр 73 субъектта гына вируслылыр булса, хәзер инде 75 төбәктә бу авыру белән көрәшәләр. 

Вирус йоктыручыларның саны иң күбе хәзер дә Мәскәүдә. Тәүлек эчендә аларның саны 267 гә арткан һәм 1800 кешене узып киткән.