Россиядә симерүчеләр саны коточкыч арткан

Мәскәүдә узган фәнни конференциядә диетологлар әлеге актуаль проблеманы чишү юлларын эзләгәннәр. Белгечләр фикеренчә, симерү эпидемиягә әйләнә бара. Ә бу үз чиратында йөрәк-кан тамырлары авырулары, шикәр диабетына сәбәпче булырга мөмкин. Иң беренче чиратта, халыкка дөрес туклануның ни дәрәҗәдә мөһим икәнлеген аңлатырга кирәк, дип саный диетологлар. Бу мәсьәләдә Россия Сәламәтлек саклау министрлыгы җитди эш башларга җыена.