#Кыскача яңалыклар 12 декабрь 2016, 11:33

Рөстәм Миңнеханов белән Рамзан Кадыйров сәяси кысрыклауга иң түземлеләр рәтендә

12 декабрь 2016, 11:33

Татарстан Президенты Рөстәм Миңнеханов һәм Чечня башлыгы Рамзан Кадыйров губернаторларның сәяси кысрыклауга түземлелек буенча рейтингында иң югары бәя алган.

Скопировать ссылку

Әлеге рейтингны "Петербург сәясәте" фонды белән "Минченко Консалтинг" коммуникацион холдингы тәкъдим иткән, диелә unionnews.ru порталында.

Рейтинг төзүчеләр Татарстан белән Чечня башлыкларына гына иң югары - 5 балл куйган. "Төбәк башлыкларының хәзерге вазифаларында якын елларда да калу ихтималы 5 баллы шкалада бәяләнгән", - дип аңлатыла сайтта.

Рейтингның 2007 елдан бирле басылып килүен билгеләп үтик.

Татар-информ