Рөстәм Миңнеханов Хьюстонның Райс университеты белән студентлар һәм мөгаллимнәр алмашырга теләк белдерде

Уильям Марш Райс Университетына 1912 елда нигез салынган һәм университет булдыруга барлык байлыгын керткән кеше исеме белән атала. Райс Университеты кампусы урманлык эчендә 1,15 квадрат километр мәйданда урнашкан.

Райс Университетында укулар 8 мәктәптә оештырылган, шуларның алтысы төп белемгә нигезләнә, икесе – югары белем һәм югары белемнән соң уку. Университет бакалаврлар әзерләү буенча 40 программа тәкъдим итә, 51 – магистрлар һәм 29 докторлык программасы.

Искәртеп үтик, «Техас – Татарстан» эшлекле форумы кысаларында Райс Университы белән Әлмәт дәүләт нефть институты арасында килешү имзаланды.

Райс Университетында Рөстәм Миңнеханов өчен кампус буйлап экскурсия оештырганнар, уку йортының тарихын сөйләгәннәр, дип яза Президентның матбугат хезмәте.

Аннары Рөстәм Миңнеханов һәм Татарстан делегациясенең башка әгъзалары Райс Университеты ректораты вәкилләре белән очрашты.

Райс Университеты вәкилләре Татарстан белән, аерым алганда, Әлмәт дәүләт нефть институты белән киләчәк хезмәттәшлек турында үз карашларын җиткерделәр.

Рөстәм Миңнеханов Татарстанның Райс Университеты белән хезмәттәшлек итәргә теләвен раслады. Аның сүзләренчә, уртак эш, аерым алганда, фәнни-тикшеренү эшчәнлеген оештырырга, студентлар һәм мөгаллимнәр алмашырга була. Ул шулай ук мөгаллимнәрне һәм университетның җитәкче составын Татарстанга һәм Казанга чакырды.

Татар информ