Чара Казанның Бауман, Мәрҗани, Петербург һәм Пушкин урамнарында узды.

Казан Кремле бүләк җыю нокталарының берсе булды. Башта смартфоннарны республика җитәкчесе исеменнән ТР Президентының эшләр идарәчесе Мөслих Ситдыйков тапшырды, аннары ТР мөфтие Камил Сәмигуллин, музей-тыюлык территориясендә урнашкан җирле музей һәм ресторан хезмәткәрләре бизәлгән арбага бүләкләр куйды.

Бүләк җыючылар, Бауман урамы буйлап узып, үз юлларын Камал театры янында төгәлләячәк.

Җыелган барлык бүләкләр Казанның Тынычлык, Дәрвишләр бистәләре һәм Аккош күле буенда узачак Сабан туйларында тапшырылыр дип көтелә.