Сабантуйга бөтен кешене дә кертмәячәкләр?

Сабантуйның нинди чикләүләр белән узачагы турында 11 июньдә матбугат конференциясендә Роспотребнадзорның Татарстан буенча идарәсе җитәкчесе Марина Патяшина сөйләде.

Бүген урамда битлекләр киеп йөрмиләр, әмма Сабантуй кебек массакүләм чаралар уздырганда, халык арасында социаль дистанцияне үтәү һәм маскалар кию мәҗбүри. «Шуңа күрә Сабантуйда килүчеләргә битлек режимы кала. Бу турыда искә төшерәчәкбез. Районнар белән эш үткәрелде инде. Битлекләрнең мәҗбүри булуын аңлаттык. Маскалар белән шәһәр һәм район администрацияләрен тәэмин итәчәкләр", - диде Патяшина.

Бәйрәмгә вакцинация ясатмаучыларга, антитәнчекләр булуына тест үткәрмәүчеләр, хәвеф-хәтәр төркеменә керүче ягъни 65 яшьтән өлкәнрәкләргә килү киңәш ителми.