Сагаалган нинди бәйрәм?

Бурятлар күбесенчә Иркутск өлкәсенең Бурятия автоном округында яшиләр. Россиядән тыш Монголиядә, Кытайда гомер итәләр. Бурятлар белән аралашканнан соң, шактый гына кызыклы мәгълүматлар белдек. Баксаң, бурятларда элек-электән килгән шаманлык бүген дә сакланып калган. Алар терлекчелек белән шөгыльләнә: мөгезле эре терлек, атлар, сарыклар, кәҗәләр, дөяләр үрчетә. Элек агачтан, йон-киҗе тукымадан эшләнгән юрталарда яшәгәннәр. Аучылык һәм балык тоту белән шөгыльләнгәннәр. Бурятлар – җыр-моңга гашыйк халык. Аларның милли уен кораллары ике кыллы – хуре.

Халыклар дуслыгы йортында биш елдан бирле эшләп килүче «Алтын» бию ансамбле Бурятия халкының милли биюләрен башкарды. Бурят халкының гореф-гадәтләренә, милли биюләренә, җырларына сокланып утырдык. Халыклар дуслыгы йортына төрле милләт кешеләренең мәдәнияте белән танышырга, аралашырга мөмкинлек бирүләре өчен рәхмәт.

Равилә Мөбарәкшина, Казан