Салават 1 гыйнвардан бирле авырый...

Видеода җырчы иммунитет күтәрү өчен имбир, лимон, суган, сарымсак, берничә төрле бал, җир җиләге, кара һәм кызыл карлыгын, җир җиләге, сырганак, мүк җиләге кулланырга киңәш итә. Җиләк-җимештән тыш, Салават Зәкиевичның өстәлендә ни генә юк?!

«Мөмкинлегегез булса, менә шуларны кулланыгыз. Менә шушы җиләк-җимеш белән яшәп була. Барыгызга да тазалык-саулык телим. Чирләмәгез!» — ди җырчы язылучыларына.

Җырчыга бу җиләкләрне кайнатып витаминын бетермәскә, ә морс ясап яки җиләкләрне төеп, бераз бал һәм кайнар су салып эчәргә киңәш иткәннәр.

«Сез безнең фәрештәбез, фәрештәләргә чирләргә ярамый! Сез давыл!»;

«Кит аннан, бу чаклы витамин ашап, чиргә бирешеп торалармыни?»;

«Биш грамм»;

«Витаминнарны авырганчы ашый башларга кирәк шул», — дигән комментарийлар да бар.

Инстачылар яраткан җырчыларының тизрәк савыгуын теләп комментарийлар күп калдырган.

Чыганак: Интертат