#Кыскача яңалыклар 10 август 2015, 08:13

“Салават Күпере”ндәге беренче йорт 30 августка әзер булачак

10 август 2015, 08:13

Казанның Киров районына кергән "Салават Күпере" торак комплексындагы беренче йортны 30 августка куллануга тапшырырга уйлыйлар.

Скопировать ссылку

Шулай ук көзгә 260 урынга исәпләнгән балалар бакчасы да сафка басачак. Икенче елга исә мәктәп салу да планда бар. "Салават күпере»ндәге йортлар социаль ипотека программасы буенча төзелә. Фатирлар ремонт ясалып, яшәргә әзер уңайлылыклар белән тапшырыла.

- Социаль ипотека программасы буенча төзелә торган тораклардагы эчке бизәлеш, уңалыклар коммерция буенча сатыла торган фатирлардагы кебек үк булыр дип беркайчан да уйламаган идем. 10 ел элек "Салават күперен"дәге фатирларны әнә шулай булачак дип күрсәтсәләр, бу уңайлыкларга берәү дә ышанмас иде, - ди шәһәр мэры Илсур Метшин торак төзелешендә булганнан соң.

Кызыклы яңалыкларны күзәтеп бару өчен безнең МАХ каналына кушылыгыз.