Шәһәр халкына сөенче: башкалага ун яңа трамвай җибәреләчәк

Бу хакта "Татар-информ" мәгълүмат агентлыгына "Метроэлектротранс" генераль директоры Әсфән Галәвов хәбәр иткән.

"Без салон чисталыгына зур игътибар бирәбез, чөнки безнең Казанда бик күп кунаклар, туристлар була, аларның трамвай яки троллейбуска кергәч, күңеле төшәргә тиеш түгел. Узган ел белән чагыштырганда, быел юл-транспорт һәлакәтләре кимегән. Казанда трамвайлар яңа, быел тагын өч озын трамвай китертелде, хәзер аларны җыябыз һәм көйлибез. Ә тагын җиде трамвай октябрь аенда киләчәк. Шәһәр халкы быел ун трамвай алачак", - диде Әсфән Галәвов.