#Кыскача яңалыклар 16 ноябрь 2019, 19:02

Шәһәр халкы "маугли-әби"гә ярдәм итүләрен сорый

16 ноябрь 2019, 19:02

Нефтекамскда яшәүчеләр олы яшьтәге бер хатын-кызга ярдәм итү юлларын эзлиләр.

Скопировать ссылку

Нефтекамскда яшәүчеләр олы яшьтәге бер хатын-кызга ярдәм итү юлларын эзлиләр.

Өйдә йөри торган киемнән генә көзге салкын көннәрдә шәһәрнең төрле районнарында адашып йөрүче хатын-кызны күрүчеләрнең күбесенең йөрәге әрни.

Сөйләме аңлашылмый торган "маугли әбигә" күпләрнең ярдәм итәсе килә, тик ничек ярдәм итәргә белмиләр икән.

Челтәрләргә фотосы эленгән әбинең әнисе белән яшәвен ачыклаганнар. Опека органнарына яки соцаль яклау бүлегенә мөрәҗәгать итәргә киңәш итүчеләр булган. Димәк, ялангач ачлыктан интегүчегә тиз арада ярдәм күрсәтелер дип ышанасы килә.