#Кыскача яңалыклар 19 июня 2015, 10:48

Шәһәр үзәгендә машина кую төнлә бушлай

19 июня 2015, 10:48

Казанда түләүле паркинглар быел февраль аенда барлыкка килде. Машина йөртүчеләр әлеге паркингларга машиналарын куйган өчен сәгатенә 50 сум түләргә тиеш иде.

Скопировать ссылку

Хәзер исә Казан башкарма комитеты вәкилләре әлеге паркингларның эшчәнлеген анализлаганнан соң, үзгәрешләр кертергә кирәк дигән нәтиҗә ясаган. Белгечләр һәрбер паркингта махсус тикшерү уздырган, аларның йөкләнеше белән бәйле махсус анализ ясаган. Әлеге машина кую урыннарыннан файдаланучылар саны кичләрен шактый азая, ә 00.00 сәгатьтән алып 04.00 гә кадәр аларны кулланучылар гомумән дә юк диярлек икән. Ә якшәмбеләрен һәм бәйрәм көннәрендә паркинглардагы машиналар саны гадәти көннәр белән чагыштырганда ике тапкырга кими, ди.

Нәкъ менә шуңа күрә Казан шәһәре хакимияте бәйрәм чорында, якшәмбеләрен һәм төннәрен әлеге муниципаль паркингларны бушлай итү карарын кабул иткән. Алар эш көннәрендә иртәнге 07.00 дән алып 21.00 гә кадәр генә түләүле булачак.

Кызыклы яңалыкларны күзәтеп бару өчен Телеграм-каналга кушылыгыз.