Шәймиев Конституциядә гражданнарның телләргә хокукларын төгәл язарга чакыра

Мондый фикерне Татарстанның беренче Президенты Минтимер Шәймиев «Казан утлары» журналына биргән интервьюсында белдерде. "Килеп туган каршылыкларга карамастан, бер-береңә хөрмәт югалтмыйча, кешеләрнең эчке дөньясына зыян салмыйча яшәргә кирәк. Безнең һәркайсыбызга бер генә тапкыр тормыш бирелә, һәм безнең барыбызның да бу тормышта тигез хокукыбыз бар! Шуңа күрә, Конституциягә төзәтмәләр керткәндә, Россия Федерациясе халкының телләргә хокукларын ачык һәм төгәл итеп язарга кирәк», - дип саный Татарстан Республикасы дәүләт киңәшчесе.

Исегезгә төшерәбез, Татарстан Республикасында тел мәсьәләсе буенча махсус комиссия төзелде, Россия Президенты Владимир Путинга мөрәҗәгать әзерләү турында карар кабул ителде.