Сидр эчеп 18 кеше үлгән, 49 кеше хастаханәдә

Россия Федераль медицина-биология агентлыгыннан төбәккә токсиколог килгән.

Ульяновск өлкәсендә "ялган" эчемлек - сидрдан үлүчеләр саны 18 кешегә кадәр арткан. 4 июньнән 6 июньгә кадәр төбәктә алкогольле эчемлек белән агулануның 51 очрагы ачыкланган. 

Ульяновск өлкәсенең Сәламәтлек саклау министры Олеся Колотик-Каменева хәбәр иткәнчә, хәзер пациентларга ярдәм итү өчен төбәктә 88 койка урын җәелдерелгән. 

Хәзерге вакытта зыян күрүчеләрнең хәле авыр һәм уртача авырлыкта дип бәяләнә. 

Россиянең Мәскәү Федераль медицина-биология агентлыгыннан төбәккә токсиколог килгән, пациентларны алга таба дәвалау буенча консультацияләр үткәрелә.