#Кыскача яңалыклар 21 апрель 2017, 13:18

“Скорлупино”га быел Италиядән дә кунаклар киләчәк

21 апрель 2017, 13:18

"Безнең Татарстан" VII республика яшьләр форумы финалы 26-27 апрельдә "ИТ-парк"та узачак. Республикада яшәүче сәләтле егет-кызлар өчен иҗади мөмкинлекләрен ачу мәйданчыгы булып торган әлеге чара яшьләр арасында елдан-ел популярлаша. Татарстан Яшьләр эшләре һәм спорт министрлыгының балалар һәм яшьләр оешмалары белән эшләү бүлеге җитәкчесе Владислав Усанов сүзләренчә, быел форумга тугыз тематик юнәлеш...

Скопировать ссылку

- "Безнең Татарстан" республика яшьләр форумы ул - Татарстанның бренды. Ул 2010 елда барлыкка килде. Татарстан Президенты Рөстәм Миңнеханов та аны булдыру идеясен хуплап чыкты. Форумның максаты - яшьләрне социальләштерү дә, биредә алар үзләренә фикердәшләр дә таба. Форум яшьләргә зур мөмкинлекләр ача. Анда катнашучылар безгә үзләренең идеяләре белән киләләр. Иң уңышлы дип табылганнарын исә гамәлгә ашырырга ярдәм итәбез, - дип сөйләде ул "Татар-информ" мәгълүмат агентлыгында узган матбугат очрашуында.

Форумда "Тынычлык", "Яшьләр", "Кече Ватан", "Спорт", "Инновацияләр", "Эшмәкәрлек", "Игелеклелек", "Архитектура һәм сәнгать", "Куркынычсызлык" территорияләре мәйданчыклары эшләячәк. Яшьләр арасында быел "Инновацияләр" мәйданчыгы популяр, ди Владислав Усанов.
Узган ел Питрәчтә оештырылган "Скорлупино" дип аталган йомырка фестиваленең идеясе дә шушы форумда катнашучыныкы булган. Әлеге фестиваль үз эченә вакыйгалы туризмны ала. Ул Авыл хуҗалыгы министрлыгы һәм Туризм комитетында да хуплау тапкан. Быел чараны тагын да зуррак масштабта уздырырга уйлыйлар, анда Италиядән кунаклар да булачак икән.