Сәламәтлек саклау министрлыгы "Спутник Лайт" ны ревакцинация өчен генә кулланырга киңәш итте

Россия Сәламәтлек саклау министрлыгы "Спутник Лайт"ны коронавируска каршы кабат вакцинация өчен генә кулланырга киңәш итте. Бу хакта Владимир өлкәсенә булган эш сәфәре вакытында сәламәтлек саклау министрлыгы башлыгы Михаил Мурашко белдерде, дип хәбәр итә ТАСС.
«Дельта штаммының таралуы сәбәпле, һичшиксез, вакцинация буенча методик рекомендацияләргә үзгәрешләр керәчәк, анда «Спутник Лайт» бары тик кабат вакцинация үтү өчен генә кулланачак, дип әйтелгән булачак», - диде ул.

Аның сүзләренчә, беренче прививка өчен элеккечә Россиядә теркәлгән коронавирустан вакциналарны кулланырга тәкъдим ителә, биредә, беренче чиратта, "Спутник V" күз уңында тотыла.

Бу атна дәвамында Россиянең кайбер төбәкләрендә "Спутник Лайт" вакцинасы дефициты теркәлгән. Аерым алганда, бу препарат Воронеж һәм Курган өлкәләрендә, Санкт-Петербургта, Пермь һәм Екатеринбургта беткән. Россия президенты Путинның матбугат сәркатибе Дмитрий Песков белдергәнчә, коронавирустан вакцинация өчен препаратларның кыска вакытлы кытлыгы төбәкләрдә процесс тиешенчә узмаганга туарга мөмкин. Ул ассызыклаганча, илдә барысы да җайга салынган" һәм бу дефицит кыска вакыт эчендә бетереләчәк.

Мәскәүдә "Спутник Лайт" мигрантларны вакцинацияләү өчен генә кулланылган.