#Кыскача яңалыклар 21 ноября 2015, 09:43

Совет районында яңа бакча ачылды

21 ноября 2015, 09:43

Казанның Совет районындагы "Казан XXI гасыр" торак микрорайонында "Филиппок" исемле яңа 175 нче балалар бакчасы ачылды.

Скопировать ссылку

Әти-әниләрне, балаларны, педагогларныанда әшләүче коллективны котлага Илсур Метшин килде. Шәһәр мэры өй туена буш кул белән килмәгән - спорт җиһазлары алыр өчен сертификат тапшырды. Бер үк вакытта ул "Казан XXI гасыр" торак комплексының төзелеп килүче икенче чираттагы бинасы - "Седьмое небо" комплексы һәм алдагы елларга төзелеш планы белән танышты.

260 урынга исәпләнгән әлеге ике катлы бакча "Ак Барс Строй" компаниясе тарафыннан төзелгән. Биредә эшләячәк 13 төркемнең 3се - татар төркеме булачак. Бер үк вакытта музыка, театр һәм хореография студияләре, экология, шахмат-шашка клубы эшлиячәк. Киләчәктә исә балалар өчен 2 логопед төркеме дә ачылачак.

Кызыклы яңалыкларны күзәтеп бару өчен Телеграм-каналга кушылыгыз.