#Кыскача яңалыклар 03 август 2015, 16:03

“Спортчылар үзләрен үз өйләрендә кебек хис итә”

03 август 2015, 16:03

Спортның су төрләре буенча дөнья чемпионаты экваторына җитте. Ярышларга билетларның 70 проценты сатып бетерелгән. Уеннарны тамаша кылырга теләүчеләрнең саны көннән-көн арта бара. "Пилигрим" шоуын 50 мең кеше караган. ФИНА паркында барысы 160 мең кеше күңел ачкан. Чемпионатның рәсми сайтына 3 миллион кеше кереп караган. Ярышларның беренче атнасы нәтиҗәләренә багышланган матбугат...

Скопировать ссылку

- Тиздән "Мастерс" категориясе ярышлары башлана. Анда катнашачак спортчылар килә дә башлады. Ярышларда 71 илдән 2800гә якын кешенең катнашуы көтелә. Аларның күбесе үз көчләрен йөзү ярышларында сынап карарга җыена. Татарстаннан исә "Мастерс"та 70тән артык кеше катнашырга теләк белдерде. Алар арасында спорт министры Владимир Леонов та бар, - дип сөйләде Азат Кадыйров.

ФИНА президенты Хулио Маглионе чемпионатның узган атнасы уңышлы үтүен, анда яхшы чыгышларны күреп булганын әйтеп узды.

- Синхрон йөзүдә яңа бер төр - микст-дуэт тамашачыларда зур кызыксыну уятты. Суга сикерүләрдә дә яңа дисциплиналар булды. Алар барысы да җанатарларның игътибар үзәгендә иде. Быелгы чемпионатта яңа төр рекордлар куелу да куанычлы. Спортчыларга килгәндә, алар оештырылу дәрәҗәсенең югары булуын әйтә, барысыннан да канәгатьләр. Үзләрен үз өйләрендә кебек хис итәләр. Оештыру комитетына рәхмәтемне җиткерәсем килә, - диде Хулио Маглионе.

Кызыклы яңалыкларны күзәтеп бару өчен безнең МАХ каналына кушылыгыз.